Forside

    
PolarExpo Fishing & hunting 2024-mut tikilluarit

Piniarneq aalisarnerlu kalaallit kinguaariinni inuussutigisimavaat, piffissamilu nutaanerusumi aalisarneq Nunatsinni inuussutissarsiutit pingaarnersaraat. Ullumikkut inuit 2.030-t missaanniittut aalisarnermik piniarnermillu inuussutissarsiuteqarput, 3.750-illu sinnerlugit sunngiffimmi piniarsinnaanermut allagartaqarput.

PolarExpomi inersuarnut marlunnut saqqummersitsisunik ulikkaartunut Kalaallit Nunaanniit, Islandimiit, Danmarkimiit, Savalimmiuniit il.il. tamarmik piniarnerup aalisarnerullu iluanni nutaarsiassanik saqqummiussisunit tikilluaqquneqassaatit. PolarExpo saqqummersitsinernit PolarFishinit ukiorpassuarni ukiunik marlunnik akunneqarlutik ingerlanneqartartunik aallaaveqarpoq, tassanilu saaffiginiakkat pingaarnerit aalisarnermik inuussutissarsiuteqartuupput. Maanna saqqummersitsineq inersuarni nutaani angisuunilu nuunneqarpoq, tamatumani piniarnerup qitiutinneqarnissaa aamma periarfissaalerpoq.

PolarExpo Nunatsinni piniarnermik aallaaniarnermillu Nunatsinni saqqummersitsinerit annersaraat. Saqqummersitsinermut kajuminnilersinneqartut tassaapput saqqummersitsisut pulaartullu Nunatsinnit tamaneersut nunanillu allaneersut. Saqqummersitsinermi aamma oqalugiarnerit isumasioqatigiinnerillu suliamut tunngassuteqartut suliassaqarfinnik susoqarneranik tamanik oqaluttuartut malinnaavigineqarsinnaapput illit ilisimasannik nutarterisut.

Ammarsarfiit
Marlunngorneq 8. oktoberip nal. 10.00 - 17.00
Pingasunngorneq 9. oktoberip nal. 10.00 - 17.00
Sisamanngorneq 10. oktoberip nal. 10.00 - 17.00

Isernermi aki
Inersimasoq: DKK 100 
Ullunut pingsunut isissu: DKK 250
Meeqqat (8-13-inik ukiullit): DKK 50

Saqqummersitsiviup adressia
Ilulissani Timersortarfissuaq
Alanngukasik 2
3952 Ilulissat
Kalaallit Nunaat

PolarExpo Fishing & hunting 2022 SULEQATIGISAT

PolarExpo Fishing & hunting 2022-mut ANINGAASALIISUT